НИТХ-ын Иргэний зөвлөлийн гишүүдийг сонгон шалгаруулах тухай

Цагдаагийн Албаны тухай хуулийн дагуу Иргэний зөвлөлийн гишүүний  сонгон шалгаруулалтыг зарлаж байна

Цагдаагийн Албаны тухай хуулийн 62 дугаар зүйлийн 62.1 “Нутаг дэвсгэр хариуцсан цагдаагийн байгууллагын үйл ажиллагаанд олон нийтийн хяналт тавих үүрэг бүхий 5-7 хүний бүрэлдэхүүнтэй, иргэний төлөөлөл бүхий орон тооны бус Иргэний зөвлөл аймаг, нийслэлийн иргэдийн Төлөөлөгчдийн Хурлын дэргэд байна” гэж заасны дагуу аймаг, нийслэлийн Иргэний зөвлөлийг байгуулан ажиллуулна. 3өвлөлийн дарга гишүүдийг томилж, сонгохдоо Цагдаагийн албаны тухай хуулийн 62 дугаар зүйлд заасныг удирдлага болгоно.

Зөвлөлийн гишүүнд нэрээ дэвшүүлэхийг хүссэн иргэн нь дараах материалыг бүрдүүлж Комисст ирүүлнэ:

Нэг:Тавигдах шаардлага        

1. Сүүлийн 5 жил цагдаа, прокурор, шүүгч, төрийн улс төрийн албан тушаал эрхэлж байгаагүй.
2. Ял шийтгэлгүй.
3. Ашиг сонирхлын зөрчилгүй Монгол Улсын иргэн байна.

Хоёр:Бүрдүүлэх материал

1. Хүсэлт
2. Товч намтар
3. Төрийн албан хаагчийн анкет
4. Хувийн ашиг сонирхлын урьдчилан мэдүүлэх хуудас

Гурав: Бусад

       1. Иргэний зөвлөлд нэр дэвшсэн иргэдийн жагсаалт, товч намтрыг цахим хуудас, мэдээллийн самбар болон бусад хэлбэрээр иргэдэд ил тод тавьж санал авах замаар шалгаруулна.

Шаардлагыг хангасан иргэн дараах материалыг бүрдүүлж Хан-Уул, 23-р хороо, Яармаг дахь Нийслэлийн нутгийн захиргааны байгууллагын цогцолбор барилгын А блок байранд 6 давхар 601 тоотод хүргэж өгнө үү. (Холбоо барих утас: 70100102) nith.job@gmail.com

                       Материалыг 2025 оны 01 сарын  08-ны өдрийн дотор материалаа ирүүлнэ үү.